tumblr visitor stats

Share This Post

DeliciousDiggGoogleStumbleuponRedditTechnoratiYahooBloggerMyspaceRSS

Chin pa pakhat Malaysia misual pawl nih an thah

Hang Tuah tlanglawng dinhhmun

Hang Tuah tlanglawng dinhhmun

Malaysia, Kuala Lumpur khuachung ah Chin pa pakhat cu Malaysia misual pawl nih kum thar don zan ah an vuak i a thi. Thah a ton hi KLCC i kum thar an donnak in an lawi pah zinglei sml 1:30 – 2 kar hrawng ah a si i Hang Tuah tlanglawng dinhhmun pawng ah a si.

A thimi hi Hakha khuathar ah a ummi Pu Hre Kung (kum 25) a si i nupi le fa a ngei cangmi a si. A nupi le a fa cu atu Yangon ah an um lio a si.

“Kum thar donnak in an hun kir i Hang Tuah tlanglawng dinhhmun an phanh ah Malay misual pawl nih cun an rak orh hna. A thimi le a hawile hi minung 8 an si i a hmai ah panga an kal, a hnu ah mithi pa tel in pathum nih an zulh hna. Malay misual pawl nih an rathnawh hna tik ah an ṭih i a hmai panga cu an zaam, cun a hnu pathum cu misual pawl nih an hun nam ṭhan hna tik ah pahnih cu an zaammanh nain mithi pa cu a zaammanh ti lo. Cutik ah a hawile nih Hang Tuah pawng ah a ummi Kananga palik sakhan ah report an tuah colh i an lawitak. Cun kum thar ni ah Kananga palik nih an ka chawnh i Chow Kit siizungpi ah kan kal hnu ceo ah a ruak cu kan hmuh. A hawile chimnak ah misual pawl nih zeihmanh an iken lo ti a si nain a ṭaang le a hnu lei hnakruh ah namte hma bantuk a um tiah palik nih an chim” tiin CRC rianngei Pa Kulh nih Faiceu sin ah a chim.

Atu vanchiatnak a tongmi pa phone zong misual pawl nih an ikalpi tik ah phone an cawknak phone bawm an hmuh ahcun misual pawl hi kan kawl khawh hna lai tiah palik pawl nih an chimnak kong zong Pa Kulh nih cun a chim. Cun Malay misual pawl hi 14/15 hrawng an si i nu pakhat aa tel ve timi dah lo cun a hawile nih zeihmanh an ichinchiah lo.

A thimi pa hi Jan 5, 2012 zinglei sml 10 ah Batu Arang thlanmual ah vui a si lai.

Related Posts :

Leave a Reply

Your email address will not be published. Required fields are marked *

     

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>