Australia: Ti In A Paammi CNA Ralkap Mana Phwe Bulnak

CNA Ralkap

Chin National Army (CNA) ralkap Mana Phwe, kum 20 cu September 11 ahkhan Tio tiva le Lah va aa tonnak zawn, Tio tiva ah a hawipa pakhat he tiva an tannak ah ti ah a paam i tiang hi a ruak zong hmuh khawh rih a si lo tiah theih a si.

Amah hi Kampetlet lei mi a si i CNF/A zung lei riantuannak ah mino tlangvalte a si bantukin bochan ngaimi le zohcho ngaimi ralkap pakhat a si.

Ti zong a lian i ti a nawi ngai caah Tlangpi, Farawn, Tlanglo, le Farkawn khuami hna le CNA a hawi ralkap hna nih a ruak hmuh dingin an i zuam len ko nain atu tiang hi a ruak hmuhnak kong thawng theih rih a si lo.

CNF/A Zungpi lei in mi zapi sin le taantaakmi chungkhar hna sinah faak khun in an ngaihchiatnak kong cu thanhnak le langhternak an tuah cang.

Hi vanchiat tong CNA ralkap Mana Phwe kong he pehtlai in Australia Regional Committee (ARC)- Chinland Club nih bulnak tuah dingin ARC Conference ah biachahnak tuah a si.

16 September 2017 ah Australia pumpi in Chinland Club ARC Conference cu Nichuahlei Melbourne ah an tuah i riantuantu thar thimnak zong an ngei tiah theih a si.

Hi Conference ah lungfah awk ngai in ti ah a paammi CNA ralkap Mana Phwe bulnak caah Australia ram chung Chinmi pakhat cio nih ngaihchiatnak langhter in pekchannak (bulnak) hal dingin biachah a si.

Zawnruahnak thinlung he bulnak pek a duhmi nih a tanglei Chinland Club aiawhtu Chairman le Secretary hna sinah pek khawh le pehtlaih khawh a si lai.

Eastern Melbourne

Pu Kyaw Uk (04 3157 5376)

Pu Cung Hu Lian (04 2238 1874)

Western Melbourne

Salai Thawng Cin Lian @ Pawlung Thawng (04 9114 0742)

Salai Robert Ngun Sang (04 7871 6808)

Western Australia (Perth)

Pu David Dun (04 2624 5001)

Pu Jacob Nawn (04 0328 9693)

South Australia (Adelaide)

Pu Than Cung

Pu Biak Hlei Sang (04 2331 4482)

Brisbane

Pu Ni Ung Sang

Coffs Harbour

Pu Than Chawng (04 5139 0449)

Australia um miphun khat Chinmi vialte nih ngaihchiatnak langh in bulnak pek philh hna hlah u sih, ram le miphun riantuantu hna upatnak caah nun siannak le pekchanhnak ngei ko hna u sih.

-Faiceu

error: Faiceu News COPY kan sianglo, SHARE lawng ngah!!