CENGHNGIA NIH KUA AN NGEI VATE NIH BU AN NGEI

Pathian

Hi bia hi Jesuh chimmi bia a si (8 : 20 ) . Hi bia hi Jesuh nih amah zulh a duh tuk nain a zul rih lo mi sinah a chim mi bia a si. Bawipa na kal nak paohah kan zulh lai a ti tikah Jesuh nih ka zul ko, ka zul hlah a ti lo, cenghngia nih kua an ngei vate nih bu an ngei, sihmansehlaw mi fapa cu riahnak hmun hmanh a ngei lo ti tu in a leh.

Hi tin a ti duhnak cu, minung a si lo mi cenghngia le va te hmanh nih an um nak ding kua le bu an ngei. Kei cu umnak le riah nak hmanh ka ngei lo, ka rak chuah hmanh cawrawl einak kuang ah ka chuak. Na ka zulh ah cun hi bantuk harnak hna na ton lai tikah tha tein i ruat, keimah zulh cu nuamhnak a si lem lai lo, lung retheihnak lawng a si lai i na ka zulh ngam lai maw tinak a si hnga.

Judson nih kawlram mission rian a rak tuan lio ah Mg Naw a hmuh. Mg Naw nih Judson sinah Jesuh cu ka khamtu ah ka cohlan cang, tipil ka pe cang a ti tikah, Judson nih va kir rih law tha tein va tuak rih, Jesuh na zumh ah cun harnak na ton lai i minih an in hrem lai, mah hna kha ka in khawh lai ti i ka zulh lai na ti ahcun tipil nak cu kan pek lai tiah a rak ti.A va ruat i Jesuh he cun ka tuar ngam ko a ti lawngah tipil cu a va pek. Tuchan Crusade Camping he cun van le vawlei a si.

Cu caah cenghngia nih kua an ngei vate nih bu an ngei ti a sullam cu ka rian tuan, keimah zulh hi a har tuk dahkaw, na in kho lai maw? na tuar kho lai maw? tiah a ti duhnak a si. Nihin kan nun ningah Jesuh zulh hi thluachuah hmuhnak ah kan zulh ding le hmuh nak ding caah zulh ah cun a har tuk mi le in ding tampi a um caah ruah taktak hnu lawngah zulh ding a si ti cawnpiak nak a si.

Pastor sangte

error: Faiceu News COPY kan sianglo, SHARE lawng ngah!!