Chin Broadcasting Network (CBN) Nih Kum 2 Tlinnak Anniversary An Lawmh

Chin

MELBOURNE: Australia, nitlaklei Melbourne ah Chin miphun thawngzamhnak a simi Chin Broadcasting Network (CBN) nih 15 September ahkhan kum 2 tlinnak Anniversary an tuah tiah theih a si.

CBN thawngzamh bu cu 15 Sep 2015 ah Melbourne chung khuasa Chinmi mino 15 tluk nih zaanghleicawi in biakamnak he a rak dirhmi thawngzamh bu pakhat a si.

Kum 2 chung CBN cawlcanghnak ah chawva lei in dirkamhtu an um lo, a liamcia 21 November 2016 ahkhan Australia cozah nih CBN cu cohlannak – Certificate of Incorporation an rak pek hna.

CBN nih aa hmuitinh bikmi cu Australia ram chungah Miraang holh a thei lomi (Lai holh hamng) hna caah Australia phunglam le Chinmi nih theih a herhmi thawngpang, a dik le a tak pawl thanh ding hi a si.

“Zaanghleicawi bakin riantuantu hi minung 18 kan si, Kawlram ah minung 2, Malaysia ah minung 3 le Australia ah minung 13 kan si”.

“Muicawl thawngzamhnak hi zarh khat ah voi khat kan ngei kho i kum 2 chungah voi 50 kan tuah khawh, interview hi minung 40 kan tuah hna. Thawngpang, theihtlei,capar le adangdang hna hi 1,000 leng kan thlah khawh”, tiah CBN Secretary le Video Production Director Sang Lian Thawng @ Tlerlung nih a chim.

error: Faiceu News COPY kan sianglo, SHARE lawng ngah!!