Chin State In 5D A Hmutu Cung Lian Thang Kan Lawmhpi

Chin State tanghra sunghawn
Hakha, the capital city of Chin State

2015-2016 Cacawn kum ah phitmi tanghra camipuai sunghawn cu tu zing June 11 ah cozah nih an thanh cang.

Tu kum tanghra sunghawn chuakah Hakha in kungṭhu a hmumi an tam pah ngai, Cung Lian Thang nih kungṭhu 5 a hmuh. Kungṭhu a hmuhmi hna cu English, Math (tinchia), Physic, Chemistry le Biology hna an si.

Thlua Chuah Vanni nih kungṭhu 3 a hmuh. A hmuhmi hna cu Physic, Chemistry le Biology hna an si. Elizabeth July Par nih Chemistry, Physic le Biology tiah kungṭhu 3 a hmuh.

Esther Van Sui Par nih kungṭhu 3 a hmuhmi hna cu English, Physic le Biology hna an si. Stesy Ṭha Bawr nih English, Math le Biology tiah kungṭhu 3 a hmuh ve.

Acunglei langhtermi kungṭhu hmutu hna hi Hakha in a phimi lawngte an si. Kungṭhu 2 le 1 a hmumi cu kan ṭial hna lo. Atanglei ah Falam in kungṭhu 3 cung a hmumi kan zoh lai.

Chin State
Falam

Lal Biak Kim nih Math, Chemistry, Physic le Biology tiah kungṭhu 4 a hmuh. Lal Lawm Zual nih Chemistry, Physic le Biology in kungṭhu 3 a hmuh.

David Lal Pian Mawi nih Chemistry, Physic le Biology in kungṭhu 3 a hmuh. Ti Yan Lan Mawi nih History (Tamai), Geography (pa-ṭha-wui) le Economy (baw-kah) in kungṭhu 3 a hmuh.

Chin State
Thantlang

Thantlang ah tanghra a phimi dihlak chungah a aungmi dihlak hi 22 lawng an si. Ngun Hmung nih Biology ah kungṭhu a hmuh, amah lawnglawng hi Thantlang in kungṭhu a hmumi a si.

Rih Khua Dar, Falam ah tanghra a phimi chungin minung 12 an aung, Aljack Van Ram Lian le Van Lal Biak Ii nih Economy (baw-kah) in kungṭhu an hmuh.

Chin State
Tedim

Tedim in Thang Htun Tuang nih Chemistry, Math le Biology in kungṭhu 3 a hmuh. Dim Hoi Kim nih Math, Chemistry, Physic le Biology in kungṭhu 4 a hmuh.

Zo Nuan Sang nih English, Math le Biology in kungṭhu 3 a hmuh. Hau Sian Thang nih Chemistry, Physic le Biology in kungṭhu 3 a hmuh.

Chin State
Matupi

Matupi in Elisa nih English, Geography le History tiah kungṭhu 3 a hmuh. Kungṭhu 2 le 1 a hmumi cu an tam pah ngai.

Paletwa in Myo San Naing nih Math, Physic le Biology tiah kungṭhu 3 a hmuh. A aungmi cu an tam pah ngai, kungṭhu 2 le 1 hmu tete zong an um pah.

Chin State
Kanpalet

Kanpalet in (Nu) Pa Lin Ṭi nih Geograpyh, History le Economy tiah kungṭhu 3 a hmuh. Kanpalet hi Economy, Geography le History in kungṭhu 1 cio a hmumi an tam pah.

Mindat in (Nu) Thang Awm nih Chemistry, Physic le Biology in kungṭhu 3 a hmuh. (Nu) Ṭan Yawng nih Chemistry, Physic le Economy in kungṭhu 3 a hmuh. (Nu) Yaw Aung Pai le (Pa) Maung Am nih Geography, History le Economy in kungṭhu 3 veve an hmuh.

Tonzang in a aungmi dihlak hi 20 an si i mah chungin Ngiaung Taewi Nan nih Biology in kungṭhu a hmuh. Amah lawnglawng hi Tonzang in kungṭhu a hmumi a si.

Kawlram Pumpi Chinmi Vialte Chungin Kungṭhu 6, 5, 4 le 3 A Hmumi Min le An Phitnak Khua Pawl