Chin Tlangval Pakhat Nih CNA Bawmhnak A Pek Hna

CNF (CNA) caah Chin tlangval Sang Lian Thawng nih bawmhnak a peek

Chin Tlangval No Sang Lian Thawng (TlerLung) Nih CNA Caah Bawmhnak A Pek Hna

Australia, Melbourne Nitlak lei ah khua a sami Chin tlangval Sang Lian Thawng nih CNA caah Boot Keden a hlut hna. Amah hi minote catial thiam taktak pakhat zong a si i a cafung min TlerLung ti in Mi tampi nih cun Kan theih lai. Pumpak a rian leng in Chin Broad Casting Network (CBN) ah Secratary rian a tuan liomi a si. Thantlangpeng, Zahnak tlang, Thangzang khua ah a chuakmi a si.

A luan cia 2013 in 2014 tiang ahkhan The Chinland post nih an chuah mi thawngzamh Cazual cu CNA Camp ah ram le miphun caah rian a tuanmi kan Chin ralkap pawl nih rel kho ve hna seh tiah miphun zawnruahnak he kum 2 khengte bak a rak hlut bal hna. Cun amah pumpak tialmi cauk 2 zong a rak hlut chih hna.

A tu zongah CNA caah ti in Boot Keden tuah 100 le hmawza zei mawzat aa hlut thiam thiam hna. CNF Public Health Care riantuantu tthing, Tial Hram Ling sin in pehtleihnak a tuah i bawmhnak a pek hna tiah thawng theih a si. Tu thla chung ahcun Vitoria Camp ah Tial Hram Ling pumpak hrim in kan Chin ralkap hna sinah thilri pawl cu a phurh khawh cang hna lai tiah thawng kan theih.

Chin mi tampi ramthumnak le vawlei cung ramkip kan cul kho ve cang. CNF/CNA upa hna hruainak thawng in ramthumnak kan phan kho timi zong hi a thar in Chin mipi, upa in ngakchia bik tiang kan ruahthan awk a si ti a hung kan theihter. Ahlei in mino nih kan thutdirnak cio in mah le ti khawhtawk ciote in kan ram le miphun caah cawlcang ve cang hna usih law zeitluk in dek a tthat chinchin hnga.

Ulenau nulepa he chungkhar tlingte in khuasak tti tluk a nuammi zei dah um ti hnga? Hawikom dawt le chungkhat cingla rualchan he umkal tti kha nuam tuk lo maw zei? Mah inn le lo tang te ah merem tein ei le din khawh a si ko tung? Cu vialte nuamhnak le hnangamnak cu kal tak riangmang in kan Chin ram le miphun caah ti in harsatnak tampi temtuar in nunnak pek tiang a kan kikawi tu Chin National Front/Army (CNF/A) nih Chin mipi sin in bawmhnak tampi an herh rih. Tlangval no SangLian Thawng bantuk in Chin mino nih khua fak deuh le kau deuh in miphun le ram caah ruat ve cang hna usih law a tha lo maw?


8 Comments on Chin Tlangval Pakhat Nih CNA Bawmhnak A Pek Hna

  1. I don’t even understand how I ende up rright here, however I beliefed this submit used to be
    great. I don’t recognize who you’re however certainly
    you’re going to a famous blogger should yoou are not already.


  2. My spouse and I stumbled over here by a different website and thought I might check things out.
    I like what I see so i am just following you.
    Look forward to checkiing out your web page repeatedly.

Na Lungduh Ṭial Ve

Na email cu mi kan hmuhter hna lai lo.