Dawt Hlei Tlem Sakmi “Kan Luatnak Lam” DVD Hlaphel A Chuak Cang Lai

Kula Lumpur — Kum 8 tein Pathian nih aw le zai lei ah khua ruah har in thluachuah a pekmi, Dawt Hlei Tlem DVD hlaphel cu a chuak cang lai.

Thaizing thok in Laimi umnak ram kip ah kuat a si cang lai’ cun tuan ah a khua hi cawk khawh asi cang lai tiah Music, Video Camera le Video Editing leiin tuanbo latu Lai Kam Thang @ Palai nih a chim.

Thantlang peng Lungding khuami Pu Lal Lian le Pi Biak Tha Chin hna i an fanung upa bik, Dawt Hlei Tlem @ Dawtmi hi, Malaysia Biakinn kip ah hlasak lei in an hman ngaingai cang.

Nai ah, mirang hla ‘Because He Lives’ timi a sakmi nih Lai Online Media le Facebook vawlei cu ceilak te a vun hninhnak thawngin ramkip Laimi tampi nih Dawtmi cu theih a hung si.

Hla phuah minthang Herh Lian, Hniang Ceu Ling, Phun Lian Cung, Sai Cung Hnin, Rev. Phu Luai le Even. Tial Uk nih hla an tialmi hmangin Pathian sunparnak caah tiin chuahmi hlaphel asi.

Tutan Hlaphel an chuahmi hi, Lai Kam Thang @Palai le Ling Suan Mung @ Hmung Hmung nih music an tumpiak — Kula Lumpur ah studio a tha ngaimi Chineniah Studio ah, aw khumhnak le music tumnak an tuah. Music tu cu Chineniah le Hmung Hmung Studio hna ah tum an si.

Ramkip ah zuar asi lai caah, ‘Kum khat chung hi cu, online (FB, Youtube, etc.) chiahpiak lo ding asi lai’ tiah Lai Kam Thang nih Faiceu sin ah a chim.

Ramkip ah man fawi tein zuar a si te lai. Kan Laimi chungin mino cawisannak, holh le ca dirkamhnak, Pathian sunparnak langhter ding caah ramkip Laimi nih thazaang pe cio hna usih.

— Faiceu Report 

error: Faiceu News COPY kan sianglo, SHARE lawng ngah!!