“Duhnung Iang Ngeibik Bodyguard Nu” Tiah A Min A Thang

Naite Tuluk ram G20 Summit ah humhimnak caah vengtu ah chiahmi ralkap nute pakhat cu “mui dawhbik bodyguard” tiah zapi nih an thangthat

Bodyguard

CHINA: Naite Tuluk ram G20 Summit ah humhimnak caah vengtu ah chiahmi ralkap nute pakhat cu “mui dawhbik bodyguard” tiah zapi nih an thangthat i vungveng in a min a thang colh.

Kan hnu zarh Zarhpini cu Hangzhou ah vawlei cung hruaitu pawl cu a biapi taktakmi ramchung ramleng kongkau ceih dingin an kal hna, cu lioah cun zapi i mit cu bodyguard nute cungah a tla dih ti a si.

Minung tampi nih bodyguard (mi vengtu) nute cu aa dawh tuk ahhin a zoh in an zoh cim lo i an mit zong a thi ngaingai ti a si. Thawchuah philh le cil dolh hngal lo bak ti awk khin an bih hoi len i an lungthin a laak ngai hna ti a si.  

Chinese-bodyguard-Shu-Xin

Hi bodyguard nute i a min cu Shu Xin a si i Tuluk nitlak chaklei peng Guizhou chung Guiyang khua ah a ummi a si tiah People’s Daily Online nih a tial.

Hi G20 Summit i bodyguard a tuan lio hmanthlak cu “G20 ah bodyguard dawhbik ahodah a si” timi tlangtaar he Xinhua Thawngzamhnak nih a vur taar ciammam i Shu Xin cu a hung laar taktak.

Mi tampi nih Shu Xin i hmantlak hlun pawl cu maivan chungah an cun kawl duahmah hna i a rak laar tuk ciami khi a si an hun theih. Shu Xin hi People’s Liberation Army (PLA) ralkap vialte lakah aa dawh bikmi 10 chungah aa tel ve mi a si tiah theih a si.

Ref: Mail Online




Nang Hawi Hlanah Na Ruahnak Langhter

Na Lungduh Ṭial Ve

Na email cu mi kan hmuhter hna lai lo.