Duterte Nih Daw Su A Nawl

Philippines President Rodrigo Duterte nih Kawlram pumpi ruahnak petu Daw Aung Suu Kyi cu a nawl tiah VOA Burmese nih a tial.

Kawlram chungah miphun ning hloh tiangin thahnak a um tiah Nitlak lei pawl nih an chimmi cu Rohingya pawl an cohlan duh hna lo caah, mi thinhunter dingin an chim sawhsawhmi asi tiah Duterte nih a chim.

Mah miphun hloh tiang thah a tongmi pawl hi Nitlak lei pawl nih an cohlan hna asi ahcun, Philippines zong nih kan cohlan ve hna lai tiah a rak chim. Cu ruangah Duterte nih hin Kawlram kong zeihmanh a thei lo tiah Kawlram cozah chimreltu nih an ti ve.

Mah a chimmi kongah, Kawlram ramkhel chungah kaa va tlak duhnak asi lo, bia ka chimmi ruangah Daw Aung San Suu Kyi cu ka nawl ko lai. Nain, ka chimmi bia hi ka chim sawhsawhmi khi asi ko tiah Ninga ni ah Duterte nih a chim.

Ref: VOA Burmese