Hakha Sizung hi Ruah Awk A Um Ngai Ko

Hakha cu Chin khualipi a si bantuk in, Sizungpi (hospital) hi a that khawh chungin a that a hau ve ti cu al awk tha lo asi. Sibawi te le Nurese te nih hin pehtlaihnak (Communication) siseh, an mi zohkhenh ning (service) siseh, a that bak ding asi.

Tuni ah mizaw dawngkhat hna nih an ka chimhmi nih khua tampi a ka ruahter. Bawipa Tho hrawngah khin, pakhat nu cu a paw fak. Thantlang ah an va kal tikah Sizungpi (cozah sizung) ah Sibawi an um lo caah, Dr. Hmuh Thang sin ah an vaa i zohter.

Dr. Hmuh Thang nih na ril a si lo ah na rilfong hlei pakhatkhat, a pem ko caah Hakha ah va tli zok ko tiah a ti. Cu tikah Hakha panh in an rak rat tikah, Sizung pi ah Sibawi an um lo tiah an ti hna.

Nurse pakhat nu nih bia a halmi cu, khuazei in dah nan rat tiah a ti hna. Cu tikah, Dr. Hmuh Thang sin in kan ra tiah an leh. Nurse nu nih cun, ‘Dr. Hmuh Thang sin kal cu a zeidah a hau, Sizung pi ah nan kal ko lo’ tiah aw hrang ngaiin a rak ti hna.

Cu hlei ah ruah ding pakhat cu Khualipi pakhat nih sizung pi ah ziah Sibawi um lo cu zeitindah a si hnga? Zeidang lei pi va si lo i, Ril tuahtu sibawi hmanh va um lo cu, hodah mawh kan phorh hnga?