Hlaingthayar Hnawm Pon Mei Hmit-tu Pohpoh Ngandamnak Zohfel An Si Lai!

Yangon ramthen, Hlaingthayar Myone, Htting Pin hnawm pon (hlonhnak) hmunpi a kangh lio ah mei thahnak ah aa telmi pohpoh cu ngandamnak lei zohfelnak tuah an si lai tiah DVB nih a tial.

“Kawlram meithat zung lei, Kawl rak palik lei pawl vialte, mei thahnak ah aa telmi pohpoh, ngandam zohfelnak kan tuah lai. Si thiamnak lei in cheknak, ngandamnak caah a herhmi poh tuahpiak akn duh hna. Mei thahnak ah aa telmi pohpoh tuahpiak kan duh hna. Tu in ni 10 chungah kan tuah lai. Mei thatzung, Palik, Sipin le a herhmi pohpoh caah kan tuah lai, an min cazin rak kan pe uh” tiah U Phyo Min Thein nih meeting tuahnak ah a chim.

Tu May thla chungah Kawlram mei that pawl upat peknak zaanriah hrawmnak zong tuah asi lai tiah a chim chap.

Hnawm pon a kangmi cu ni 10 lengah an thah i, Thailand ah an cawkmi Bio Foam cu a hleih rih caah mei that zung le ram then le ram komh hna ah a herh ningiin bawmh an si lai tiah theih asi.

—DVB