Hlutdaw Niam Lutlai U Win Myint A Rian In Aa Din Ve, President Caah Chuahpi Ding Dawh  A Si

President

Myanmar Hlutdaw Niam Lutlai (Lower House Speaker) U Win Myint cu nihin Cawn Nithumni ah ruah lo piin President U Htin Kyaw a rian in aa dinh ni ah a rian in ngolnak ca a ap ve tiah theih a si.

Atu bantukin thil a um tikah U Win Myint hi Myanmar President ah thim a si lai tiah zumh a si.

Ruah ning bantukin President dirhmun ah chuahpi le thim a si ahcun NLD chungtel upa pakhat a simi U Win Myint hi kum 1948 Independence ngahnak thawkin a pahranak Myanmar President a cang te lai.

Myanmar Phunghrampi ning in cun ni 7 chungah Parliament nih president thar thimnak le rian peknak cu tuah a si lai ti a si.

Nihin Parliament tonpumhnak ah U Win Myint cu aa tel lo nain Hlutdaw Niam Lutlai sinak in aa dinhnak kong cu thanh a si.

Kum 67 a simi U Win Myint hi NLD chungtel upa vialte hna lakah Aung San Suu Kyi nih a tlaihchan bikmi le a uar bikmi a si tiah zumh a si. Amah hi February 2016 in khan 2015 ram pumpi hruaitu thimnak ah NLD nih teinak a hmuh khan Hlutdaw Niam lutlai ah a cang.

Hlutdaw Niam lutlai a tuan chungah U Win Myint hi dingrep (siikaan) a ngeihnak cungah a min a thang ngai.

Parliament tonpumhnak ahhin ceihhmaimi tlangtaar leng pial in biachim hi a duh bak lomi a si i ralkap lei in si hna seh, adangdang Union minister hna zong hi tlangtaar leng pet in bia an chim ahcun aa thuat lengmang hna ti a si.

Ref: The Irrawaddy