Malaysia In Phungninglo Ramdangmi Vialte Hlonh Dih An Si Cang Lai

Phungninglo Ramdangmi

Malaysia Immigration Zung nih August 31 thawk in catlap cahnah ngeilo/phungninglo ramdangmi vialte cu Malaysia ram in thawl dih an si cang lai tiah biatak tein biatiamnak an ngei cang tiah theih a si.

Malaysia Immigration Zung i director-general Mustafar Ali nih August 31 thawk cun phungninglo ramdangmi tlaihkhihnak cu Immigration lei nih faak/tam chinchin in a tuah lai tiah a chim.

Ramdangmi tlaihkhihnak lawng si loin phungninglo ramdangmi rian a tuantertu rainngeitu pawl zong tlaih chih dih an si lai tiah Mustafar Ali nih cun a chim chih.

 “Phungninglo ramdangmi hna nih  anmah chuahkehnak ram an kir/tlun khawh nakding ah mah lungtho in cozah sin i apnak, 3+1 timi program zong kan thawk len cang.”

 “Cucaah, biatak tein tlaihkhihnak kan tuah hlan August 30 tiang khi anmah tein hi program chungah i apnak caan an ngei rih”, tiah nihin i Jalan Gambang, Kuantan chung innsaknak hmun 2 ah tlaihkhihnak tuah a si lioah thawngla pawl sinah Mustafar nih a chim.

July 1 in thawkmi ‘Op Mega’ tiah auhmi ram pumpi chung tlaihkhihnak ah phungninglo ramdangmi 3,000 leng hi atu tiang ahcun tlaihkhih an si cang tiah Mustafar Ali nih a chih chap.

Ref: Malaysiakini, Bernma