Kachin Ram Ah Harnak Atongmi Pawl Caah Malaysia Chin Mino Nih Bawmhnak Kan Hal lai

mino

Kachin ram ah ralruang ah harsatnak a tuar cuahmah mi kan unau Kachin miphun pawl caah Malaysia ummi mino hna cawlcangh nain Khrihfa bukip mino hna sin ah bawmhhalnak tuah ding in timhtuahnak ngeih asi.

Hi cawlcangnak ahhin Malaysia Chin mino vialte nan dihlak in sawm nan si ve caah harnak a tong mi Kachin miphun bawmh ka duh ve ko na ti ahcun a ralai mi zarhpini suimilam 4 ah Pudu Zophei  sianginn ah meeting aum lai caah rak chuak kho ve ding in kan is sawm . Pumpak i sawm khawh cawk asi lo caah media in thawng kan rak thanhnak hi asi, Cu meeting ahcun zeitindah kan cawlcang lai timi kha fiang deuh in ceihhmai asi lai.

A rauh hlan ah Malaysia fellowship kip ah lenkai an si lai i cabawm phawt cio an si lai cu cabawm cu khrihfa Bu member kip sin ah phak ter asi lai caah ready te in rak um cio ding in kan i sawm hna, a tlawm le tam ti hning lo in  siantawk te in thazaang rak chuah ve ding in kan nawl hna.

Kachin ram ah ral ruang ah harnak atong mi hi a thong leikai in an si cang i Ngakchia, Mino, upa, tarnu tarpa hna le nau pawi lio mi hna nih an umnak inn le lo zamtak in dornak hmun an kawl, zawtfaknak a tuar mi an tam, ti le rawl an i za ti lo thlawmbulnak si-ai an herh , bawmtu an herh tuk caah Kan Unau a simi Kachin miphun pawl bawmhchanh nak ahhin rak i tel sawh ve tiah kan i sawmh. Thiltha na tuahser mi cung ah pathian nih thlawchuah i pe chin ko seh.

Ramthumnak in tangka thazaang in rak i tel ka duh ve ko a timi kan um ahcun , Lai Kam Thang sin ah pehtlaihnak tuah khawh asi lai, 0182188461 ahhin zalong te in rak chawnh biak khawh asi lai, adang dang kongkau zong ah theih na duh  mi na um ahcun a mah kha rak achawnh khawh asi lai. Malaysia Chin Mino nan dihlak in rak i tel kho ding in a tuzarh zarhpini 6.5.2018 suimilam 4 ah zophei biakinn ah kan i sawm hna.

Hope to see all