Kawlram Minung Facebook Hmangmi Pawl Tha Tein Kan Tawlrel Ko: Mark Zuckerberg

Kawlram minung Facebook a hmangmi chungin, pakhat le khat karlak ah huatnak a chuahpi khotu biafang hmannak kongah zeihmanh khamnak a tuah lo tiah Soiselnak a chuakmi cu, FB Founder Mark Zuckerberg nih kan i zuam cuahmah ko tiah a chim.

IT thiamnak sang hmang ning Facebook chungah huatnak a chuahpitu biafang pawl a lengmi hi khap dingah kan i zuam ko tiah Mark nih a chim.

Biaknak le zatlang nun buainak he aa pai cuahmahmi Kawlram ah huatnak a chuahpitu biafang Facebook ah hmannak kongah Mark nih kan i zuam ko tiah a chimmi hi a dik lomi asi — Kawlram minung pawl tu nih theihternak an tuahmi asi ko tiah Kawlram chungin CSOs phu 6 nih duh lonak ca cu Mark sin ah an rak kuat.

Cu ca kuat a leh pah hna nak ah Mark nih tu bantuk in kan i zuam ko tiah a chim hi asi. “CSO pawl nih an langhtermi cu lakhruak in a herhmi kong ah tawlrelnak a um lo, inntek phu pawl he tuan tinak a um lo kong le langh fiannak a um lo kong hna hi an si. Mah an langhternak ca kuat lehnak ah Mark nih FB hmangtu pawl nih an rak reportmi pawl he aa tlak in tawlrel dingah rian tuantu tampi sin ah tuanvo a pek hna kong, cun Kawlram kong tha tein a thei kho ding phu pakhat dirh timhmi kong a langhter. Nain, FB rian tuantu pawl nih an tawlrelmi hi a za lo tiah Kawlram chung CSOs pawl nih cun an ruah” tiah Mark sin ah cakuat a tialtu Director Ma Htike Htike Aung nih a chim.

Ref: VOA Burmese