Khuaruahhar Nu DawtNak

khuaruahhar Nu le dawtnak hi!!

Nu Dawtnak : May 12, 2008 lioah Tuluk ram Sichuan ramkulh ah li aa hnin. cu ai hnin dih cang kaa cun mi Bawmtu pawl nih a khawngdeng pawl cu  an hun zuanhnawh colh hna.

Cu ah cun Minu pakhat an hmuhmi cu a rak thi cang. Inn a cimmi nih a nanh ruangah a si. Minu cu an hei fuh tikah, a khup aa bil i a kut pahnih in aa doh, a umtuning cu thla a cammi a lo.

Mi Bawmtu chung in pakhat nih a hei zuanhnawh zok i, minu cu a rak thi cang nain, a ttang te ah a rak i hngilh mi Hngakchia pa kha a hmuh. “Ngakchia pakhat a nung mi a um” tiah thatho ngai in a hung au. Minu a cung Lei in a nanhtu thing le lung pawl cu an hun thial.

A nu nih a ttangtang te ah a rak chiah i, mitkuh thaw tein ai hnglih ko mi thlathum ngakchia te cu an cawi, a nunnak an khamh khawh.  Siibawi pa nih check ding ah a hun cawi ah khin ngakchia tuamnak naupuan chung in phone pakhat a hung tla. Siibawi nih phone cu a hun kau i a zoh tikah cakuat(message) pakhat a hmuh. “Ka fapa te, na rak nundam sual ahcun ka nu nih a ka dawttuk ti hi rak hngal zungzal mu” tiah aa tial. Sibawipa cu mithi tampi a hmuh tawn hna nain a celh lo, a biangah a mitthli a hung luang thluahmah.

A pawngkam i a ummi kha pakhat hnu pakhat an hun i chan, an hun rel cio hna i hohmanh an celh lo an mitthli tla thluahmah. A Sung hringhran dah NU le dawtnak i!! Nu le Dawtnak kong hi chim thiam a rak si lo, “Kan umnak hmun vawlei in Van Arfi le Thlapa va ttawh he ai lo.”

(Palung) Australia

Nang Hawi Hlanah Na Ruahnak Langhter

Na Lungduh Ṭial Ve

Na email cu mi kan hmuhter hna lai lo.