Korea Lemcang Song Hye Kyo Nih 2016 Asia Chung Muidawh Zuamnak Ah Pakhatnak A Ngah

February thla chung chuak “Descendants of the Sun” movie in laarnak sangpi a hmuh cang lengah “2016 Goddess of Asia” (2016 Asia Chung Muidawhbik Khuazingnu) ah thim a si rih

Song Hye Kyo

2016 hi Song Hye Kyo i kum bak a si ko. February thla chung chuak “Descendants of the Sun” movie in laarnak sangpi a hmuh cang lengah “2016 Goddess of Asia” (2016 Asia Chung Muidawhbik Khuazingnu) ah thim a si rih.

Hi “Goddess of Asia” thimnak cu July 1 in khan online cung in thawk le tuah a si i a thawk ahkhan cun Tuluk lemcang Zheng Shuang hi pakhatnak dirhmun ah a rak si. Asinain, Song Hye Kyo hi August thla thawk tiangah khan cun pahnihnak dirhmun in paruknak hmun ah a rak tla.

Asinain, Sept 25 ah a thar in thimfung thlakmi an vun zoh than tikah South Korea lemcang Song Hye Kyo nih pakhatnak a ngah ko.

Hi online cung Asia chung muidawhbik thimnak hi Asian Goddess Entertainment Network timi Tuluk website pakhat nih a tawlrelmi a si tikah mi tam deuh nih cun Tuluk lemcang Zheng Shuang hi mithmai an pek deuh tiah ceihphainak zong a rak um.

Zheng Shuang cu hmun nganak ah a tla ti a si i vote/thimfung 3,583,343 a hmu. Cun, “Running Man” timi program ah aa telmi Song Ji Hyo nih vote 3,562,099, Zhao Li Ying nih vote 3,561292, Jin Tae Yan nih vote 3,556,728 le Jessica Jung nih vote 3,559,244 a hmuh ti a si..

“Goddess of Asia” lemcang muidawhbik thimnak ah aa telmi hna cu an muisam, an tungtai, an lungput le an riantuannak ti bantuk tampi zohchih in thim an si tiah theih a si.




Nang Hawi Hlanah Na Ruahnak Langhter

Na Lungduh Ṭial Ve

Na email cu mi kan hmuhter hna lai lo.