Malaysia Ah CNF/CNA Dothlennak Kum 30 Atlinnak Tuah An Timh

Chin

Chin Miphun nih mahte in uknak le lairel khuakhannak kan ngeih khawhnak hnga tiah miphun le ram caah dothlennak kan tuah hi kum 30 atlinak asi cang, cu kumcaan chung vialte ahcun Chin nusaltha le pasal tampi nih an nunnak  cu Chinram le miphun caah an pek cang. Asinain nihinni tiang ah kan i tinh mi cu kan phak kho rih lo caah kan duh mi kan hmuh hlan cu pehzulh in dothlennak cu thawng Chin lengmang in tuah asi ko lai.

A Thar In mipi le mino hna nih Akum 30 nak Chin Revolution Day  cu kan thinlung ah i cinken cio than hna usih law  kan Chin ram caah thlacamnak in le thangzaang in zaanghlei cawi cio hna usih, CNA/CNF  Dothlennak kum 30 tling philhlonak cu Malaysia hrambunh CNF zong nih langhter an duh ve caah a ralai mi April thla 21-23, 2018 ah (nithum chung) pumpuluh  chuih zuam nak in tuah an i tim tiah theih asi.

A tubantuk pumpuluh chuih zuamnak theng in an tuahnak hi mipi hna mino hna karlak ah neihniamnak le pakhat le pakhat karlak ah i theihnak le miphun le ram caah hmunkhat te in kan dir tti khawhnak thinlung kan ngeih khawhnak ding caah (fellowship) phun in an tuah mi asi. Pumpuluh chuihnak hi Team 10 a tling ahcun tuah ding asi. Min pek a duh mi poah nih 8-April-2018 hlan ah CNF chungtel Saya Ca Thawng sin ah min pek khawh asi. Fiang deuh in theih na duh ahcun a mah phone ahhin rak chawhbiak khawh asi, 011-16579135/011-11226431.