Malaysia: Immigration Zung Nih Ramdangmi 150 Leng An Tlaih Hna

Ramdangmi

Malaysia Immigration Zung nih phungninglo ramdangmi tlaihkhihnak cu Taman Subang Mas, Subang Jaya ah an tuah i minung 150 leng an tlaih hna tiah theih a si.

Hi tlaihkhihnak cu Hmatpungtin Chuahsernak Zung he fonh in an tuahmi a si i zaantim ah an thawk hi a si tiah theih a si.

“Hi hmun ah ramdangmi kan check mi hna hi minung 380 an si i hi chungah minung 157 hi khihhrenmi an si”, tiah Home Minister changtu Datuk Mohd Azis nih a chim.

July 1 thawk in tlaihkhihnak tuah a si i atu tiangah rianngeitu 91 tlaihkhih an si ve i riantuantu 745 hi tazacuai an si cang tiah Mohd Azis nih a chim.

Atu tiangah tlaihkhihmi ramdangmi hna cu Indonesia 1, 255, Bangladesh 1,246, Myanmar 455, le Philippines 294 an si tiah theih a si.

Ref: The Star