Nungak Thiang Nih Hrinnak ( Virgin Birth)

virgin

Bawi Jesuh khrih cawnpiaknak ah siseh ,Paul cawnpiaknak ah siseh virgin birth kong hi tampi a chim lo.Cu cu a biapi lo a si caah a si kho i Bible ttial tu nih hi kong hi an theih tuk lo zong a si kho.Synoptic Gospel timi Matthew,Mark le Luke kan zoh tikah Mark cu Khrih chuahnak kong le virgin birth kong a pel hmanh a chim lo. Khrih chuah nak kong hi Matthew le Luke ah a um nain Jesuh khrih zungzal Pathian fapa  vawlei hramthok kaa in a thawh kehnak an chim lo.Jesuh khrih minung aa thawh kehnak lawng an chim.

Lamkaltu pawl cawnpiaknak le phungchimnak ah Thiangthlarau in hrinnak kong hi an chim fawn lo.Paul zongnih Khrih minung in a ratnak a chim nain zeitinin dah minu chungin a chuah i a’si canning a si ti bel achim bak lo.

Cu caah thiangthlarau in hrinnak hi lamkaltu hna nih biapi ah an chia lo ti hi a fiang tuk.Cun hi kong a ttial tu nih an ttial tikah an mah lio chan i a chuak mi docetic pawl ruahnak siseh ,nu le va sinak hi a thur mi a si tiin nu le pa duhnak a rak doh tu Hellenistic  ascetic zumhnak siseh rak i lak dawh an si. Emil Brunner nih cun virgin birth cu biakam thar khrihfabuu thawngttha bia he aa peh tlai lo.Mary biaknak zonghi Bible he aa kalh a ti.

laimi mitin pual cakuat relnak cauk chung in Samuel Ngun Ling tial mi