Pathian sin ah thlacam in bawmh kan hal mi thil le, Pathian nih a kan let ning”

pathian

“Pathian sin ah thlacam in bawmh kan hal mi thil le, Pathian nih a kan let ning”

1.Thazaang thawnnak ka hal, Pathian nih thawngseh tiah harsatnak a ka tonter.

2.Fimthiam nak ka hal , tuaktan ding mi puaibainak a ka pek.

3.Ngeihchiah le rumnak ka hal , rain tuannak thluak le thazaang a ka pek.

4.Ralthatnak ka hal, Pathian nih tei khawhnak ding ah tih a nung mi a ka ton ter.

5.Thinsau nak ka hal, Pathian nih lungsau tein hngah a hauhnak hmunhma ah a ka chiah.

6.Dawtnak ka hal Pathian nih a harsa mi bawmh ding in rian a ka pek

7.Mithmai tha ka hal Pathian nih mithmai tha ka hmuh khawhnak ding caah tuah ding mi rian a ka pek

8.Ka nun aa nuamh khawhnak ding ah zeizong vial te ka hal, asinain, zeizong vialte ah ka nuamh khawhnak nga dingah nunnak tu a ka pek

9.Ka duh mi zeihmanh ka ngei lo na in ka herh mi vialte kha Pathian sin ah ka hmuh.

Khrih ah unau hna Pathian ruah ning le khuakhan nak cu minung i kan ruahning le khua tuaktan nak he a dang hringhran ko (Isaiah 55:8-9).Thla kan cam tik le Pathian sin ah bawmh kan hal tik ah kan duh ning bantuk tein Pathian nih a kan let tawn lo. Asinain kan hal mi cu a cung lei bantuk in a kan leh ko. Kan duh ning tuin a kan let lo, a herh ning tu in a kan leh . Cu caah harsatnak , chamhbau nak,lungretheih nak , buaibai nak le duhtlinlo nak kan ton tik ah Patian nih kan thlacam nak a kan let lo ti hin hlah usih.A kan leh dan tu kha a hmuh zia thiam ii zuam hna usih.

error: Faiceu News COPY kan sianglo, SHARE lawng ngah!!