Ramdang Pa Pawl Sinah Malaysia Nu Pawl An I Zuar

Malaysia Nu

Malaysia rammi cheukhat nu pawl, a bik in thlahlawh niam deuh pawl cu zalsanh tangka (pocket money) hmuhnak caah part-time hlawhhlang an tuan tiah theih a si.

Hi Malaysia nu pawl an zuarnak hi a tam deuh cu ramdangmi riantuantu, Bangladesh le Myanmar pawl sinah a si.

Part-time in Malay nu hna nih hlawhhlang an tuan hi atu bak kan hmuh theih a si, Biaknak Lei Tazacuainak Zung lei in cazin kan khumhmi zohnak in theih khawh a si tiah Kelantan biaknak lei biaceih zung bawizik Zaini Sulaiman nih a chim.

“Bollywood actor bantuk ramdang pa pawl hi Malay khuachung nu pawl nih an uar ngai ko rua. Cazin zoh tikah hin, ramdang pa a vami Malaysia nu an tam ngai fawn”, tiah Zaini nih cun a chim.

“Malaysia nu pawl hi biaknak lei uktu hna nih hotel i an zuar lioah an hmuh hna i an tlaih hna hi a si. Hmuh le theih an si khawh lonak ding, hmun kiangkap deuh i a ummi hotel niam deuh pawl ahkhin an kal hna (an i zuar hna)”, tiah Zaini nih a chim chih.

Malaysia nu aa zuarmi hna hi hlawhhlang an tuan tiah an sual hmuh/theih bak an si ko ahcun RM4000 leng asiloah kum 2 leng thongtlak, asilole a pahnih in dantat khawh an si.

Ref: NST