Tukum Premier League Champion cu Man City Nih An Lak Ko Cang

Tukum pumpalulh caan Premier League Champion pi cu Man City nih an lak ko cang tinak asi. Zarhpi ni ah Man U le West Ham an chuih lio ah Man U cu 1-0 in an sungh caah tu bantuk in Man City nih Champion an tlaih lai tinak hi asi.

Naizarh ah Man City nih Spur cu 3-1 in a tei caah puai 33 cio cio ah Man City nih Mark 87 a hmuh cun Man U cu mark 71 a hmu ve. Cu leng hmanh ah Man City hi Kawl tam deuh an ngei rih. Man U cu nai an sungmi West Ham he puai telh in a tangmi puai vialte hi tei a hau tinak asi.

Nain, Man City cu a tangmi puai cungah a sungh khawh asi rih ko.  Tu pumpapalulh caan ah Man City nih Kawl 93 an ngeih. Puai nga a tangmi chungah Man City nih Mark 9 an hmuh ah cun Premier League tuan bia ah mark tam bik a ngahmi an si lai, cu bantuk cun Kawl 11 an ngeih khawh asi ahcun, tuanbia ah Kawl tam bik a ngeimi an si thiam lai.

Man City hi 2012 le 2014 ah Champion an rak lak cang caah tutan an lakmi hi a voithumnak a si cang lai tinak asi.

Ref: VOA Burmese