UN Cathluan Pumsa Sinak Nanmehtu Cazin Ah Kawl Ralkap An i Tel

UN nih vawlei cung ram vialte in pumsa sinak lei namhnehnak a tuahtu cazin cathluan ah Kawlram ralkap cazin cu a voi khatnak ah aa tel tiah VOA Burmese nih a tial.

 Hi kong he pehtlaiin, Kawlram ramhruaitu lutlai pawl nih dot-hlatnak tuah dingah ramkhel lei rian tuantu pawl nih forhfialnak an chim.

A bik in Rohingya pawl Bangladesh an tlikmi kongah, namnehnak le pumsa sinak lei namnehnak hna hi tha tein timh tuahnak he rak tuahmi asi ko tiah UN Secretary Antonio Guterres nih a chim.

Kawl ralkap telh in hriamtlai phu pawl buainak ah pumsa sinak lei namnehnak pawl kong cu Nikhat ni ah UN Security Council ah an ceih-hmai lai tiah zumh asi.

Ref: VOA Burmese