Zaangfah Awk Ngai A Simi Bangladesh Nu Pawl Dirhmun

Kandapara timi hlawhhlannak inn hmunpi hi Bangladesh ram ah a pahnihnak a nganbik le a hlunbik a si i kum 200 leng a um cangmi a si

Bangladesh Nu

BANGLADESH: Tangail khuapi i Kandapara timi hi hlawhhlannak inn hmunpi pakhat a si. Hi nu tawzuar inn hi Bangladesh ram ah a pahnihnak a nganbik le a hlunbik a si i kum 200 leng a um cangmi a si.

Caan khat ah rak hrawh ding cangmi a si ko nain cu kiangkap ah a um i a tangmi nu tampi cu zei hlei tuah awk theih lo le khawi hlei kalnak hngalh lo ah hlawhhlang rian cu an tuan than hna.

Bangladesh ram ah cun hlawhhlang/tawzuar pawl hi hman awk tunu bantuk in hman an si i minung hmuh in hmuh an si lo. Hlawhhlang rian a tuanmi nu hna hi sifah tuk ruang le mi nih an zuar hna ruangah hlawhhlang ah a cangmi an tam.

An chimning ah cun hi nu pawl hi an bawinu pakhat nih an ngeihmi hna an si i a zohkhenh hna man i liamter lengmang an si. Khua leng chuah zong an ngah lo i harfe taktak in an hmuhmi tangka zong hi tan lengmang an si.

Hi hlawhhlannak inn ahhin kum 18 cung nu lawng um a ngah ti a si ko nain cu ka hmun ah aa zuarmi hna hi kum 12 tluk nu ngakchia tete zong an um ti a si. Cu ka hmun ah a ummi hna hi an leiba an cham khawh dih in cun a leng ah chuah khawh an si ko nain an min a chiat cang tikah cu ka hmun ahhin an taang thiamthiam.

Nu a rak hlangmi hna hi pa a phunphun an si hna, mirum pawl zong si hna seh, mi sifaak zong si hna seh, cu hmun ah cun an ra hna. Pa pawl cu an duh poah in an lutchuak i caan an rak hmang tawn hna.

Kandapara (hlawhhlannak inn) ah riantuanmi nu pawl cu ni khat ah $3 in $22 in hlan an si i an hlawhning cu an kum le an mui zoh in aa dang cio. Kum no deuh, mui dawh deuh le ihnak khaan dawh deuh in a tamhmi nu hna cu an hlawh a sang deuh.

Hi nu tam deuh i an tuanbia zoh tikah khuaruahhar ngai an si, hi bantuk dirhmun in an nung ko nain an tha a chia lo. Anmah le anmah thazaang an i pe i lungretheih loin nuamh khawh an i zuam.

Cheukhat nu pawl cu anmah lungtho tein tangka hmuh a fawi deuh caah hi rian hi an tuan i ruahchannak nganpi an ngeih thiamthiam. Pa nih uk an duh lo, anmah nih tangka an kawl i inn le lo an cawk, na fale sianginn an kaiter hna.

A rak hlangtu pa pawl nih nu dawh deuh pawl cu thit le umpi an duh ko hna nain a tamdeuh nu pawl nih cun pa pawl cu an zumh hna lo caah an cohlang hna lo. Hi bantuk in nu tampi an tlaunak le an tlaknak a ruang cu sifah tuk ruangah le cawkzuar an ton ruangah a si ti a si.




Nang Hawi Hlanah Na Ruahnak Langhter

Na Lungduh Ṭial Ve

Na email cu mi kan hmuhter hna lai lo.